Enpresa kalitate arloan lan handiagoa egiteko asmoz, Mondragon Unibertsitateak hitzarmena sinatu du Euskalit Fundazioarekin. Unibertsitatearen helburua da enpresei kalitate eta lehiakortasun maila altuagoa lortzen lagunduko dieten bideak jorratu eta eskaintzea.
Enpresen, erakundeen eta unibertsitateen kalitate osoa eta etengabeko hobekuntza sustatzea da hitzarmen horren helburua. MU-k azpimarratu du Euskal Herriko lehen unibertsitatea dela Euskalit Fundazioarekin kalitatearekin erabateko konpromisoa dakarren hitzarmen bat egiten.
Elkarlan hasiberriaren eraginez, kalitate arloko Euskalit Fundazioak formakuntza emango die Mondragon Unibertsitateko ikasleei, eta euren dokumentazioa erabiltzeko aukera izango dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak