Bittor Amozarrain gertu Gasherbrum II mendia igotzeko

Bittor Amozarrain mondragoetarra Himalaiara joango da datorren zapatuan (ekainak 12), Gasherbrum II zortzi mila metroko mendia igotzera. Gasteizko bost lagunekin joango da Bittor: "Dagoeneko bakoitzaren motxila prestatzea baino ez zaigu geratzen".

Lehenengo aldiz saiatuko da Bittor Amozarrain zortzi mila metroko mendi bat igotzen (Gasherbrum II, 8.035 metro). Mondragoetarra ondo prestatuta doa, nahiz eta ez duen aparteko entrenamendurik egin. Ekainaren 12an abiatuko dira Himalaia aldera, eta uztailaren 31n itzuliko dira. Datorren egubakoitzean izango duzue espedizio horren berri, ARRASATE PRESSen egingo diogun elkarrizketan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.