Biharko lagun arteko partiduak hainbat helburu ditu. Aspaldian norgehiagokarik jokatu barik egon eta gero, Arrasateko taldeari komeni zaio horrelako norgehiagoka bat jokatzea, Nazioarteko Zazpinako Txapelketa datorren asteburuan jokatuko dute-eta. Horrez gain, talde arrasatearrak goiko mailara igotzea lortu du, eta biharko norgehiagoka aproposa da hori ospatzeko. Datorren urterako Errugbi Federazioak maila berri bat egin du, eta maila horretan egongo da Arrasate: estatuko lehen mailako B multzoan, hain zuzen.
Arrasateren multzoan zortzi talde izango dira: Santanderko Independiente, Zarautz, Bera-Bera, Gernika, Atletico San Sebastian, EHU-Bilbo eta Getxo B. Arrasateko taldeak txapelketa polita izango du datorren denboraldian; maila oneko jokalariak izango dira Garagartzan, eta orokorrean talde gogorren kontra jokatu beharko du Arrasatek. Horrek esan gura du talde mondragoetarrak esfortzu handia egin beharko duela.