"7 gezur txiki" ikuskizuna, Kultur Errotaren eskutik

Maiatzaren 28an, egubakoitza, Ramon Agirre aktoreak eta Joserra Senperena musikariak "7 gezur txiki" ikuskizuna egingo dute. Jai Zale tabernan izango da, 23:00etan.

AEDk eta Topaguneak Kultur Errotaren beste ikuskizun bat antolatu dute Arrasaten: maiatzaren 28an, Ramon Agirrek eta Joserra Senperenak "7 gezur txiki" egingo dute.

Ramon Agirre aktorea oso ezaguna da telebistan eta antzerkian egin duen lanengatik. Joserra Senperena musikariak hainbat taldetan esku hartu du (Duncan Dhu, Anje Duhalde, Minxoriak...).

Honako hau batera egiten duten bigarren ikuskizuna da. Iaz "Ondo esan beharko" lana egin zuten. Agirrek abestu eta pasadizo batzuk kontatuko ditu, eta Senperenak teklatua joko du. Ikuskizun umoretsua izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.