Ehun talde baino gehiago izango dira bihar 3x3 saskibaloi txapelketan

Bihar egingo dute Arrasate Kirol Proiektuak eta Ointxe Arrasate Saskibaloi Taldeak 3x3 Saskibaloi Txapelketa. Joan den urtean moduan, aurten ere arrakasta handia izan du txapelketa horrek, 105 taldek eman dute-eta izena.contributors:

Bihar gura beste saskibaloi izango da Laubide plazan, 3x3 Saskibaloi Txapelketa egongo da-eta jokoan. 10:00etan hasita, Arrasateko ehunka gaztetxok ederto pasatzeko aukera izango dute. Atera kontuak: talde bakoitzean lau jokalarik egon behar dute, eta 105 taldek eman badute izena 400 neska-mutikotik gora egongo da bihar saskibaloian jokatzen. Goizeko saioak hiru ordu iraungo du: 10:00etatik 13:00ak arte. Bazkaltzeko atsedenaldia egingo dute, eta 15:30ean ekingo diote berriro ere txapelketari. Azkenik, 19:00ak aldera jokatuko dituzte finalak, 20:00ak aldera amaituko da-eta txapelketa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.