AEDk orain dela zortzi urte sortu zuen ekimen hori, herritarrek Arrasateko paisaiaren, ekologiaren eta historiaren ondarea bere horretan ikusteko.
Gaur egun, ez dituzte derrigorrez udalerriko mugarriak zapaltzen, baina urtean birritan udaberrian eta udazkenean ibilbide bana antolatzen dute, Athlonekin batera, udalerriko zonalde batzuk ikusteko.
Maiatzaren 23an, Garagartza aldera joko dute eta besteak beste, honako kobak bisitatuko dituzte: Lizueta, Kobaundi, Lezetxiki... Ibilaldia bederatzietan hasiko dute eta ordu batetarako bueltan egongo dira.
Gura duena joan ahal izango da. Batutako guztiei ibilbidearen gaineko informazioa eta mapa emango dizkiete.