Diputazioak ospakizun garrantzitsua egin du gaur Arrasaten

Politika munduko jende ugarik esku hartu du, duela 25 urte Batzar Nagusiek berriro ibilbidea hasi zutela gogoratzeko ekitaldian. Orduan ere Arrasaten egin zen bilera. Garai hartan Foru Aldundian batzarkide ziren hainbat lagun, eta gaur egun Diputazioko kide direnak ere etorri dira herrira. Juan Mari atutxa, legebiltzarreko lehendakaria, Jose Antonio Ardanza, duela 25 urte Arrasateko alkate zena ere etorri dira. Iñaxio lakuntza, gaur egungo alkateak, guztiei ongi etorria eman die 10:00ean, eta ondoren ekitaldiak hasi dira. Udaletxean geratu da efemeride hau gogoratzeko plaka, herritarrentzat 25garren urteurrenaren oroigarri izango dena.