Emakume Txokoan sartu ezinka

Bularreko Minbiziaren prebentzioari buruzko hitzaldia egin behar zen gaur Emakume Txokoan. Baina azkenan ez da bertan egin. Izan ere sekulako jendetza hurbildu da eta guztientzako lekurik ez zen. Horregatik San Frantzizko Xabier ikastolan egin da hitzaldia.

Argi geratu dena da bularreko minbiziaren inguruan sekulako jakinmina dutela arrasatearrek. Minbizi mota honen inguruan jarduten duen Kattalin elkarteak eskeni behar zuen hitzaldia. Eta emakume mordoa hurbildu dira Emakume Txokora.

Hitzaldia 6:30etan hastekoa zen, eta 6etarako sekulako jendetza zen Emakume Txokoan; eta guztientzako eserlekurik ez zen. Horregatik areto handiago baten bila ibili dira arduradunak. Eta azkenean San Frantzisko Xabier ikastolan eskeni da hitzaldia.

Hizlaria Lourdes Aritziturri medikua izan da. Berak esan du autokontrola eta mamografiak eginez azterketa egitea direla prebentzioaren gakoak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.