Iñaxio Lakuntza alkateak esan duenez, datozen bi urteetan babes ofizialeko 600 etxebizitza eraikiko dira Arrasaten. Asmo hori jaso dute egitamu orokorrean, baina alderdi batzuk ez dira horrekin ados azaldu. Ezker Batuak era horretako etxebizitza gehiago eraikitzeko eskatuz alegazioa aurkeztu du. Aralar alderdiak ere alegazioak ipini ditu etxebizitzen harira.
Aralar eta Ezker Batuaren ustez, etxeak eraikitzeko lursail gutxi dago Arrasaten. Hori dela eta, familia bakarreko etxeak ez eraikitzea eskatu dute aurkeztutako alegazioen bidez.
Ezker Batuak, esaterako, Garagartzan egin moduan, familia bakarreko etxeak ez eraikitzea eskatu du. Iñaxio Lakuntza alkateak, berriz, Arrasate Irratiari esan dio, herri batek denetarik eskaini behar duela etxebizitza arloan, baita familia bakarreko etxeak ere.
Jendaurrean egon ondoren, apirilaren 13an bukatu zen Egitamu Orokorrari alegazioak aurkezteko epea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak