Hasiera batean, bi rotonda edo biribil eraikiko dira eta baita lehenengo eraikuntza ere. Bigarren fasean berriz, uribarriko goiko zatia urbanizatuko dute eta guneko eraikuntza nagusiena eraikiko dute. Guztira, 46 milioi euro baino gehiago kostako da garaia gunea eraikitzea. Hau da, aspaldiko, zazpi mila eta zazpirehun milioi pezeta. Datozen bi urteetan gunearen lehenengo eraikuntza jasoko dute, bertan, laborategiak izango dira. Geroago, etorriko da guneari izaera emango dion beste eraikuntza bat. Ikerketari dagokionez, euskal autonomi erkidegoko zentrorik garrantzitsuena izango da arrasatekoa, eta bertan kokatuko dira zentro teknologikoak, ikerketarako guneak eta enpresa berriak abian jartzeko guneak. Gainera, ikerlariak bizi izateko gunea ere izango da garaia zentroan.