Ekin Emakumeak emakumearen arloa jorratzen du euskararen aldeko bere lanean eta hori berrikuntza da Topagunearen barruan, orain arte horrelakorik ez delako landu bertan.
Lehengo ildoetatik jarraitu
Ekin Emakumeak eta beste hiru kide berri onartzea izan da aurtengo batzarrean Topaguneak hartu dituen erabakietako bat. Aurrera begira, bestela, elkarte horrek orain arte jorratutako ildoetatik joko du. Haurrekin eta gazteekin, kulturgintzan, komunikabideak bultzatzen, euskaldunberriei laguntzen eta enpresaren mundua euskalduntzeko ahaleginetan jarraituko dute. 72 elkarte daude gaur egun Topagunean. Horietako 36 Gipuzkoakoak dira, 28 bizkaitarrak, 4 Arabakoak eta 4 Nafarroan dabiltza lanean.