Arrasateko Gerraren Aurkako Plataformak Palestinaren eta Iraken okupazioaren aurkako jardunaldiak antolatu ditu. Martxoaren 20an, zapatuan, hiriburuetan egin ziren kale agerraldietara joateko gonbidapena egin zuten.
- Martxoaren 22tik 26ra Sahara eta Palestinaren gaineko argazki erakusketa ikusgai egongo da Monterronen.
- Martxoaren 23an, martitzena, Irakeko brigadista bik Irak eta Palestinako okupazioa berbagai izango dute Monterronen, 19:00etan.
- Martxoaren 25ean, eguena, Loles Olivan brigadistak Mundu arabiarraren ikuspegia berbagai izango du Monterronen, 19:00etan.
- Martxoaren 29an, astelehena, Gasteizkoak taldeko kideek Arma-industria berbagai izango dute Monterronen, 19:00etan.
- Martxoaren 30ean, martitzena, Komite Internazionalistak taldeko kide Amaia Arrizabalagak Palestinaren gaineko diapositiba emanaldia egingo du Monterronen, 19:00etan.