Ehunka ikaslek antzerkia gertutik ezagutzeko aukera

Iker Barandiaran 2004ko mar. 23a, 10:37
Arrasateko Udaleko Hezkuntza eta Kultura Sailek XIV. Eskola-Antzerkiaren Jardunaldiak antolatu ditu. Ikasleendako ikuskizun profesionalak, ikasleek eurek egindako antzezlanak eta Amaia Udal Antzokia barrutik ezagutzeko bisitak antolatu dituzte.

Jardunaldi horiek honako helburuak dituzte: ikasleen artean antzerki zaletasuna hezkuntza adierazpen gisa lantzea, eta ikasleak antzokira eramatea antzerkia ikusten ohitzeko.

Martxoaren 24an eta 25ean, DBHko 1. zikloko ikasleek bost antzezlan egingo dituzte, herriko gainontzeko ikasleentzat. Guztira, 120 bat ikaslek antzerkia egingo dute, eta 1.600 bat ikaslek antzezlanak ikusiko dituzte.

Horrez gain, martxoaren 31n, apirilaren 1ean eta maiatzaren 20an, umeendako antzerki talde profesionalek ikuskizunak egingo dituzte.

Jardunaldiak osatzeko, hainbat ikaslek bisita gidatuak egingo dituzte Amaia Udal Antzokira. Jardunaldi horien aurrekontua 10.000 euro da.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak