Ikastaro horren bidez, Espainiako Fisiokulturismo Federazioak ematen duen titulu gorena lortzen da, hau da, entrenatzaile titulu nazionala. Prezioa da 385 euro eta, nork bere kasa eginez gero, garestiagoa litzatekeela dio Arizmendik, izan ere, aldez aurretik lurralde eta erkidego mailako ikastaroak egin beharko lirateke.
Ikastaroan parte hartzeko ezinbestekoa da kiroleko goi mailako heziketa zikloa eginda izatea, edo SHEE-IVEF-ean edo Hezkuntza Fisiko arloko magisteritzan matrikulatuta egotea.
Programak lau atal ditu: ariketen sistematika (apirilaren 2an); indar-entrenamenduaren sistema eta ekipamenduaren azterketa (apirilaren 3an, goizean); gimnasioko praktikak (apirilaren 3an, arratsaldean); eta dietetika eta nutrizioa (apirilaren 4an). Irakasle guztiak muskulazio entrenatzaile nazional tituludunak edo SHEE-IVEF-ean lizentziadunak dira.