Sustatun idatzitako albistea ekarri dugu goiena.net-era ere. Osorik irakurtzeko jo Sustatura. Horrela dio pasarte batzuetan.
- Goio Arana izango da, seguruenik, euskarazko prentsak eman duen diseinatzailerik sarituena nazioartean.
Sariak nazioartean
- 1997. SND erakundearen Design aldizkariak The Best Small Paper aukeratu zuen Arrasate Press, alegia, Egunkari Txikirik Onena.
- 2002. Urte hartan Goienkariak aipamen berezia jaso zuen Europako Egunkarien Elkarteak emanda, Goienka2a izeneko koadernilloan egindako hiru lanengatik.
- 2003. Iaz Europako Egunkarien Elkarteak argitalpen onenaren saria eman zion Goienkariari, tokian tokiko argitalpenen artean. Klik egiten baduzue aurreko estekan, hautatu Goienkaria ezkerrean, eta epaimahaiaren iritzia ikusiko duzue, astekariaren hainbat orrirekin batera.
Martxoaren 30ean Vienan
Hil honen 28tik 30era, Goio Arana Vienan izango da iazko saria jaso, eta, horrekin batera, hitzaldi bat emateko Nola Bistaratu Tokian Tokiko Gaiak Europako Egunkarien Kongresuan.