Espainiar estatuko aurrekontu orokorretan sartuko dute Epeleko proiektua. 24 milioi euroko kostua izango dute lanek eta 2005ean hasiko dira eraikitzen. Alderdi Popularreko batzarkide Gonzalo Quirogak esan du, datorren urtean Debagoienean egingo den proiekturik garrantzitsuena izango da Epelekoa.
Ekitaldi politikoa Arrasateko kaleetan
Arrasateko eta Aretxabaletako zinegotzi Itziar Lamarain eta Silvia Camporro ere ibili dira propaganda banatzen eta euren proiektu politikoa azaltzen Arrasateko kaleetan.
Laubide plazan egin dute hitzordua eta handik San Andres auzorantz abiatu dira. Bidean aurkitu dituzten herritarrekin berba egiteko aukera izan dute popularrek. Besteak beste, kooperatiben alde lanean segituko dutela esan dute popularrek.