Gaur, astelehena, a zelako ezustea izan duten Musakolako Kiroldegiko langileek. Barruko igerilekura hurbildu direnean, ur barik zegoela konturatu dira. Arazo tekniko baten ondorioz, ur barik geratu da gauean. Gutxienez eguenera arte itxita izango da barruko igerilekua, umeendako igerileku txikian, baina, ez dago arazorik.
Uste dute datorren eguenerako igerilekua erabiltzeko moduan izango dela. Arazo teknikoa konpondu eta igerilekua urez betetzen hasi dira, baina egun batzuk beharko dituzte ura berotzeko.
Kiroldegia zabalik den 25 urtetan ez dela halakorik gertatu esan digute bertako arduradunek.