Aitor Arregi zinegile debagoiendarraren azken lana, Glup, Arrasaten aurre-estreinatuko dute. Hain zuzen, martxoaren 28an izango da hori. Glup Espainiako Zinema Akademiako Goya sarietara izendatuta egon da.
Aurre-estreinaldia martxoaren 28an izango da, domeka, umeendako zinema emanaldi sortaren barne. Amaia Udal Antzokian izango da, 12:00etan. Euskarazko bertsioa ikusteko aukera izango dute bertaratzen direnek.
Glup oso arrakastatsua izan da: Goya sarietan, animaziozko luzemetrai onenaren sarirako proposatu zuten. Era berean, Alemaniako Potsdam hiriko animaziozko zinema jaialdi baterako aukeratu zuten. Aitor Arregi oñatiarrak egin ditu zuzendari tekniko lanak.