Fagorrek txip bat sortu du, garbigailuen dardarizoak kentzeko

Joxe Aranzabal 2004ko ots. 26a, 09:51
Fagor Etxeko Tresna Elektrikoak sortu du sistema elektroniko berri bat, Advanced Balance System, eta hau gai da kontrolatzeko garbigailuen dardarizoak. Ondorioz, garbigailuek isilago egin lezakete lan, eta denbora luzeago iraun.

Gailu berri honek begiratzen du arropak behar bezala daudela banatuta garbigailuaren barruan. Horrela argitaratu du @euskadi argitalpen digitalak.

Baldin eta garbigailuak igartzen badu arropa gaizki banatuta dagoela, hasten da buelta gehiago ematen, harik eta arropa berdindu den arte danborraren barruan. Hau lortzeko, Fagorreko teknikariek beste algoritmo bat sartu dute makinaren sistema elektronikoan, makinak jakin dezan zenbat jantzi dauden barruan, eta horrela kalkulatzeko zer inertzia beharko duen.

Fagor Etxeko Tresna Elektrikoak aspaldi hasi zen teknologia berriak txertatzen bere produkturik salduenetan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak