Maxine McClean-ek egin zituen adierazpen hauek James Tudor Ikasketa Politikoen Institutuak eratutako hitzaldi sorta baten barruan, non gai nagusia zen Kreditu kooperatibak, herrigintzarako tresna. Halaxe ekarri zuen igande honetan The Barbados Advocate egunkariak.
McClean-ek aitortu zuen kreditu kooperatibak gai izan direla Barbadosen baliabideak batzeko, baina ez gara gauza izan baliabide horiek aldatzeko. Horregatik, proposatu nahi dizuet sortzea enpresa bat, inbertsioak egingo dituena. McClean-ek uste du inbertsio enpresa batek lagundu egingo diola barbadostar batez bestekoari esku-hartze eraginkorragoa izaten herriaren finantzetan.
Kreditu kooperatibek animatu egingo lituzkete bere kideak enpresa horretan inbertitzera, eta hau has liteke etxegintzan eragiten, non sekulako premia baitago, adituaren iritziz.
Barbados Uhartea
Barbados uharte bat da, eta Antilla Txikietan dago, Atlantiko ozeanoan. Iaz 277.264 bizilagun zituen, horietatik %90 beltzak, %6 asiar jatorrikoak, eta %4 zuriak. Erlijioari dagokionez, berriz, protestanteak dira nagusi, %67.
Espainiarrak 1519an iritsi ziren uharte horretara. 1627an, ostera, kolonia britainiar bihurtu zen, harik eta 1966an burujabetasuna irabazi zuen arte, Commonwealth erakundearen barruan. Bridgetown da hango hiriburua, eta ingelesa dute hizkuntza ofizial.
Turismoari, abeltzaintzari eta arrantzari esker, Barbadosek Antilla Txikietako bizi maila gorena omen du.