Aurreikuspen baikorrenak baino bidaiari gehiago izan zituen Arrasateko herri autobusak 2003an, hala ere, azken urteetako gorako bilakaera dezente moteldu da. Guztira, 193 mila bidaiari izan zituen Arrasateko herri autobusak.
Leintz Garraioak enpresako ordezkariek uste dute bi lineek gainezka egin dutela, eta horrexegatik maistazuna areagotzeko eskaria egin diote Udalari.
Eguraldi kaskarrarekin erabiltzaile gehiago
Datu bitxiak ere eman dituzte jakitera. Erabiltzaileen kopuruari erreparatzen badiogu, irailean 19.700 erablitzaile izan ziren, eta abuztuan 10.500. Horiexek dira, hilerik emankorrena eta kaskarrena.
Jakin dugunez, eguraldiak eragin handia izaten du bidaiarien kopuruan. Eguraldi txarra eginez gero, herritarrek autobusa erabiltzen dute. Ona egiten duenean, berriz, autobusa ez da betetzen.
Eroskiko zerbitzuaren erabilera moteldu egin da
Herri autobusaren beste datu batzuk ere eman dituzte. Bidaiarien %45ek dute bonobusa. Eroskiko zerbitzua da erabiliena, datu orokorraren % 20rekin. Hala ere, zerbitzu horretan ere beherakada bat atzeman du Leintz-Garraioak enpresak.