Gaurko zozketan aukeratu dituztenak 297 lagun dira , Arrasaten egongo diren 6 hauteskunde ikastetxeetako mahaietan egongo direnak. Ferixalekua izango da botoa emateko ikastetxe bat, Musakolako Herri Eskola beste bat, Santamainako Toki Argi Elkartea ere bai, Bedoñabe Herri Eskola, Erguin eta Jokin Zaitegin izango da azken ikastetxea. Herrian 6 ikastetxe izango dira, 33 mahairekin. Mahai bakoitzean lehendakaria eta bi bokal egon behar dira legez. Gaur aukeratu dituzten 297 lagunen artean 99 titularrak izango dira eta gainontzekoak ordezkoak.
Emaitzak Bergarara
Arrasaten aukeraketa egin ondoren, emaitzak Bergarako Hauteskunde Batzordera bidaliko ditu Udalak, eta Batzorde horren esku geldituko dira hurrengo erabakiak. Beraz, mahaietan egotea egokitu zaien herritarrek Bergarara zuzendu beharko dute egin beharrekoa, hau da, erreklamaziorik egin beharko balitz, Bergaran egin beharko dute.
Hurrengo egunetan jakingo dute Arrasateko herritarrek, martxoaren 14an hauteskunde mahaietan egotea egokitu zaien ala ez.