Gurutzetako ospitalean dago Garagartzan istripua izan zuen emakumea

Emakume bat, 59 urtekoa, eta B.D.B. inizialduna larri zaurituta dago atzo, eguena, Fagor Garagartza ondoan izandako istripuaren ondorioz. Autoan zihoazen beste bi emakume, 51 eta 53 urtekoak, arin zauritu ziren eta dagoeneko etxean daude. Hiru emakumeak arrasatearrak dira. Atzo, eguena, Citroen ZX motako eta SS matrikuladun autoa errekara jausi zen.

Erreskate lanak ikusgarriak izan ziren, errekatik garabi bidez jaso zituzten eta hiru lagunak. Fagor Garagartzako parking-etik egin zituzten erreskate lanak Ertzaintzak eta suhiltzaileek. Gesalibartik zetorren auto batek eta Garagartzako bidegurutzetik ateratzen zihoan beste batek elkar jotzean gertatu zen istripua.

Ondorioz, Citroen motako autoa, Fagor Garagartza aurrekaldetik pasatzen den Aramaio errekara jausi zen. Ikusmin handia eragin zuen auto istripuak, eta jende ugari hurbildu zen bertara.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.