Biteri eta Garibai inguruan lurrazpiko aparkalekua egiten hasi direla eta, inguru horretan Garibai historialari ospetsuaren omenez zegoen monolitoa kendu zuen Udalak joan den astean. Kentzerakoan, gainera, hautsi egin zen monolitoa.
Arrasatek Garibairi
Garibairen omenez egindako monolitoa 1960an inauguratu zuten. Ricardo Olaran Añibarro izeneko arkitektu arrasatearrak egin zuen piramide itxurako monolitoa. Dohainik egin zuen lan hori arkitektoak. Azpian, zera zion plaka jarri zuen: "Mondragon a Garibay".
Monolitoaren erreplika
Udalak esan digunez, oroigarriaren egoera ez zen ona, eta ezin zen hartu eta beste toki batean jarri. Hori bai, argazkiak atera dituztela, eta etorkizunean monolitoaren erreplika egitea erabaki dezaketela adierazi digute. Erreplika egin, edo Garibairen omenez beste zerbait egin Biteri, Garibai inguruan.
Udalak monolitoa bota izana, baina, hainbat arrasatearrek ez du begionez ikusi.