Datozen 16 urteetan ezingo da saltoki handirik egin Arrasaten

Erabakia behin behinekoa da, baina Jaurlaritzak erabaki duenez, datozen 16 urteetan ezingo da Arrasaten saltoki handirik egin, edo dagoena handitu. Arrasateko Udalak bestelakoa nahi du, hau da, datozen urteetan saltoki handiak egiteko aukera izatea.

Jaurlaritzak Udaletara helerazi zuen, jarduera ekonomikoetarako lurzorua sortzeko eta saltoki handiak antolatzeko Lurraldearen Arloko Plana, eta horren arabera Arrasateri B kategoria zegokion, hau da, datozen 16 urtetan ezin daiteke herrian saltoki handirik egin. Herriko Udala ados ez, eta alegazioa aurkeztu zuen, A kategoria emateko eskatuz. Atzo Debagoieneko Mankomunitateak egindako bileran jakinarazi zen, Jaurlaritzak ez duela alegazioa onartu. Behin betiko erabakiaren zain, baina Jaurlaritzak agindutakoaren arabera, Arrasaten ezingo da datozen 16 urteetan saltoki handirik egin, edo dagoena handitu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.