Zerrajera inguruan gaur, garbiketa egiteko traje bereziak, babes handia ematen dutenak dituzten langileak dabiltza. Ekonor, Zerrajerako lur kutsatuak garbitzeko lanak egiten dabilen enpresako langileak dira eta traje bereziak dituzte, bertan osagai kutsakorrak daudelako: amiantoa eta zianuroa. Azken hori, zianuroa, ordea ez dakite oraindik zenbat dagoen.
Arriskurik ez
Arrasateko agintariek azaldu dutenez, Zerrajeran dauden amiantoak eta zianuroak ez dute ezelako arriskurik sortzen arrasatearrentzat. Osagaiak dauden eremua oso zehatza da eta segurtasun guztiekin aterako dituzte, ziurtatu dute udaletxean. Torlojuak egiten ziren eraikina bota behar dute eta bertan dagoen guztia ateratzen ari dira orain. Aste honetan, bertan, espero dute kutsadura guztia aterako dutela.
Torlojuen eraikina eraitsi eta gero, lurrak kentzeko lanak hasiko dira. Orduan, lur azpian gelditzen diren olio biltegiak aterako dituzte, gero lurrak garbitzeko.