Astelehenean, Arrasateko Gazte Kontseiluak Gazte Astea aurkeztu zuen. Gazte Kontseiluak gazteen elkarteen arteko harremana eta elkarlana indartu gura ditu. Programa hori antolatzeko herriko hainbat elkartek esku hartu dute, eta gazte guztiei gonbidapena egin diete ekintzatan parte hartzeko.
Une honetan, honako taldeok osatzen dute Gazte Kontseilua: AGAKO (gaztetxeko batzarra), Txatxilipurdi, AED Gazteak, Giza Izpi Alai, Arraska skate taldea eta Besaide Gazteak. Dena den, talde horietako ordezkariek gonbidapena egin diete herriko beste elkarte edo gizabanakoei Gazte Kontseiluarekin bat egin dezaten. Horretarako, elkarte hauetako edozeinekin berba egin besterik ez dute egin behar.