Istorio korapilatsua
Atzo, eguena, udaltzainek esan zutenez, Donostian ba omen dago hegaztiak berreskuratzeko toki bat Igeldon eta handik etorriko omen ziren txoria jasotzera. Baina, gaur goizean txoriak Arrasateko udaltzaingoan jarraitzen zuen. Gaua han pasa du. Kaxa baten barruan sartuta zegoen, egoera kaxkarrean.
Arrasate Irratikoek Igeldoko zentro horretara deitu dute gaur goizean txoriaren gainean zerbait ba omen zekiten galdetzeko. Igeldon esan diete, Diputazioko basozainaren ardura dela txoria jasotzea, baina ez dakitela Diputazioan horren berri ote duten. Diputazioko basozainen buruak ez zekien Arrasateko txoriaren berri, baina inguruan zebilen basozainari deitu dio Arrasatera txoria jasotzera etor dadila eskatuz. Jon Ugarte basozainak eraman du txoria Donostiara.
Zapelatza edo belatza? Hasiera batean zapelatza edo belatza zela uste zen. Igeldotik baieztatu digutenez, gabiraia da.