Joxe Etxeberria, Gizarte Zerbitzuetako batzordeburuak Arrasate Irratiari adierazi dionez, asmo hori jasotzen duen proiektua idazten hasi dira. Proiektuan, Iturbide egoitzarako eta Abaroarako proposamen berriak jasoko dira, eta 2005ean asmo horiek gauzatzen hasi nahi dute.
Iturbide egoitzak dituen beharrak direla eta, eraikin guztia hor bizi diren egoiliarrentzat izango da. Horregatik, erretiratuen etxea dena, Abaroa, beste nonbait eraikiko dute.
Abaroa berriak, Arrasateko jubilatu guztiendako erreferente izan nahiko luke. Auzoetako jubilatuen etxeak kendu barik, baina erdikaldeko eraikin berria, handia eta garrantzitsuena izango litzateke.