Mondrak zapatu arratsaldean (17:00) jokatuko du, liderraren, Real Union taldearen kontra. Mondrako zuzendaritza Real Union taldearekin harremanetan jarri da, partidua domekara atzeratzeko asmoz, baina Real Unionek ez du horrelakorik gura. Josu Zubia, Mondrako entrenatzaileak, Maritxutan kalera irteteko baimena eman die jokalariei; hori bai, lasai ibiltzeko eskatu die.
Mondrako jokalariek Maritxu Kajoi egunaz gozatzeko aukera izango dute, baina entrenatzaileak apur bat zaintzeko eskatu die, lasai ibiltzeko: "Dagoeneko helduak gara, eta bakoitzak jakingo du neurria jartzen". Horrez gain, Josu Zubia Mondrako entrenatzailearendako normala da Real Unionek partidua ez atzeratzea: "Hau preferente maila da, eta hemen ez dago ezer oparitzeko. Guk ere ez genuke proposamen hori onartuko, hortaz, ezin dezakegu ezer esan".
Sasoian ez dagoena...
Josu Zubiak ondo ezagutzen ditu bere jokalariak, eta batzuek beldur apur bat ematen diote: "Badakit jokalari batzuk formal-formal ibiliko direla, baina beste batzuk parranda-zale amorratuak dira. Jokalari batengatik apustu egin, eta gero sekulako biharamunaz dagoela ikusten badut, zigorra izango du".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak