Oier Ortueta eta Joanes Errasti pilotari aretxabaletarrek Gipuzkoako txapelketako finala jokatuko dute bihar, azaroaren 6an, Aretxabaletan. Jubenil mailako norgehiagokan, Oiartzungo Oiarpe taldeko Otegi eta Tellechea izango dituzte aurkari. Partida 19:00etan hasiko da.
Etxean jokatuko dute finala Ortuetak eta Errastik, herritarren aurrean, eta Gipuzkoako txapela izango dute jokoan.