Herriko Plazatik abiatuko dira taldeak gune ezberdinetara. Hiru bat orduz jardungo dute ibaia zein horren bazterrak garbitzen, eta behin bukatuta, plazara itzuliko dira. Han jarriko dituzte jasotako zakarrentzako edukiontziak, herritarrek ere ikus dezaten zer eta zenbat batu den. Ondoren, lanean jardundakoek mokadutxo bat izango dute.
Garbiketan parte hartu gura dutenei izena ematea gomendatu diete segurua izan dezaten; horretarako azken eguna gaur, urriak 14, da. Dena den, izena ematen ez dutenei ez diete aterik itxiko: "Jasotzen denak baino garrantzi handiagoa du kontzientziazioak, ibaia nola dagoen ikusteak, gure ekintzen ondorioak bistaratzeak, auzolanak, ezberdinen arteko berriketaldiek eta elkarlanak…" Eta gogorarazi dute zapatuan Debagoieneko herri gehienetan jardungo dutela lanean: "Herritar mordoa elkarrekin arituko gara ibaian, zaintzatik eta arduratik; hori ikusaraztea eta sentitzea gura dugu".