Denera hamabost pieza plazaratu dituzte, zein baino zein hunkigarriagoak, Xabier Leteren Habanera edo Violeta Parraren Gracias a la vida modukoak. Mariatxen Urkiak eta Angel Barandiaranek zuzendutako koruari Jose Luis Frantzesenak jarri dizkio piano doinuak, Unai Frantzesenak jo du bateria eta Ion Aranzabalek eta Alex Karrizok tronpetak.
Omenaldiak ere egin nahi izan dituzte gaurkoan. Jose Benito Aiastuirekin detaile polita izan dute, abesbatzaren jarraitzaile sutsua izateagatik. Nabarmendu dutenez, taldearen bidaietan ere hutsik ez du egiten.