Algara ludotekak irailaren 28an hasiko du ikasturtea, ate irekien jardunaldi zabalarekin. Urriaren 9ra arte, 4 eta 12 urte arteko haurrek zerbitzua ezagutzeko eta askotariko jardueretan parte hartzeko aukera izango dute: mahai-jolasak, eskulanak, sukaldaritza, esperimentuak, txapa tailerra, jolas gidatuak, tirolinara irteera eta herri kirolak, besteak beste. Bi txanda izango dira: Haur Hezkuntzakoendako, 16:45etik 18:15era, eta Lehen Hezkuntzakoendako, 18:15etik 19:30era bitartean.
Ate irekiak amaitutakoan, urriaren bigarren astetik aurrera egin ahal izango da ikasturterako izen-ematea, Internet bidez edo ludotekan bertan. Ikasturte osoko kuota 90 eurokoa izango da, eta egoera zaurgarrian dauden familiek eskolaz kanpoko ekintzetarako dirulaguntzak eskatu ahal izango dituzte, irailaren 30era arte.