Bizilagunak jaiei begira jarrita daude dagoeneko. Laugarrenez datoz aurten eta Txarapea bizirik dagoela aldarrikatuko dute beste behin. Oraingoan ere egun bakarrean ospatu arren ekitaldi mordoa iragarri dituzte, besteak beste, ondo errotu direnak: GSR egoitzara bisita, txarabermuta, auzo-bazkaria eta eskailera bertikala lasterketa.
Patata tortilla txapelketa, lehenengoz
Aurtengo berrikuntza da patata tortilla txapelketa. Txosnagunean egingo dute, 12:00etan hasita. Antolatzaileek honako osagaiak emango dizkiete: patatak, tipula, gatza, olioa eta sua. Eta sari potoloak egongo direla iragarri dute.
Izena aldez aurretik eman beharko dute parte-hartzaileek honako galdetegi hau beteta.
Hona hemen egitaraua:
- 11:00 Diana trikitilariekin.
- 11:30 Egunaren hasiera GSR egoitzan.
- 12:00 I. Patata tortilla lehiaketa.
- 12:30 Pregoia eta txupinazoa.
- 12:45 Txarabermuta.
- 13:00 Haur jolasak eta puzgarriak.
- 14:30 Auzo-bazkaria. Ondoren, bingo-musikatua.
- 17:00 Mus txapelketa.
- 18:00 Izorrai taldearen kontzertua.
- 19:00 Komerik taldearekin erromeria.
- 21.00 Eskailera bertikala lasterketa.
- 22:00 Bogside taldearen kontzertua.
- 23:00 Bixentak taldearen kontzertua.
- 01:00 Izan Zu DJa.