Jaiei hasiera emateko, afaltzeko lekua prestatuko dute, eta, ondoren, Martin Kabarrixa pertsonaiari ongietorria egin eta tantaia jasoko dute, kanpai-joaldiekin lagunduta. Paella-jana egingo dute gero -aurrez izena eman behar da-, eta kantu eta dantzekin amaituko dute jaien lehen eguna.
Hurrengo egunean, 09:30ean dianarekin hasiko dute egitaraua. Ordubete geroago, Ikazkin Trail mendi lasterketako korrikalariak Areantzatik igaroko dira. Eguerdian kanpai-hotsak eta auzoan hildakoen aldeko meza izango dira, eta ondoren Arientza Betiko eta luntxa egingo dituzte.
Jolasak eta Kurtzeberrira igoera
Arratsaldean ere izango da zer eginik. Ginkana egingo dute lehenik, eta 17:45etik aurrera Areantzako jolasen txanda izango da. Hala, adin ezberdinetako auzotarrei zuzendutako ekintzekin osatuko dute Agorreko Andramaixen egitaraua.
Jaiei amaiera emateko, auzotarrek Kurtzebarrira joko dute, Arientzakuak Kurtzebarrin 2026 argazkia ateratzeko. Handik Areantzarantz jaitsiko dira, eta auzora iritsitakoan Martin Kabarrixa agurtuko dute, aurtengo jaiei amaiera emateko.
Egitaraua, osorik
Irailak 11, egubakoitza
- 19:00 Afaltzeko lekua prestatzea.
- 20:00 Martin Kabarrixa pertsonaiari ondo-etorria eta tantaia jasotzea, kanpai-joaldiekin lagunduta.
- 20:30 Paella-jana; aurretik izena eman behar da. Ondoren, kantaldia eta dantzaldia.
Irailak 12, zapatua
- 09:30 Diana, etxerik etxe.
- 10:00 Ikazkin Trail mendi lasterketa auzotik igarotzea.
- 11:30 Kanpai-hotsak.
- 12:00 Meza, auzoan hildakoen alde.
- 12:45 Arientza Betiko.
- 13:00 Luntxa: Elixondoko txorixoak eta Mitarte aldeko tortillak.
- Ondoren, ginkana.
- 17:45 Areantzako jolasak ilundu arte.
Irailak 13, domeka
- 11:30 Arientzakuak Kurtzebarrin 2026 argazkia ateratzea, Kurtzebarri mendian.
- Ondoren, ipurdi-gainean, labanderan, jaitsi auzora eta Martin Kabarrixa pertsonaia agurtu.
IKUSI DEBAGOIENEKO AGENDA OSOA HEMEN