Nafarroako jatorria duen Cada día en Su Presencia gospel taldeak penintsularen iparraldean bira egiten du uda guztietan. Eta arrakasta ikusirik abesbatzaren euskal atala sortu dute Gipuzkoan eta Araban bizi diren 30 lagunek –musikariak,
abeslariak, irudi eta soinu teknikariak–. Horiek errepertorioaren zati bat egokitu dute, emanaldietan euskara eta gaztelania uztartu ahal izateko.
Aurten egitarau berritu bat aurkeztuko dute, orain arteko teknikoena; gospel
ereserki tradizionaletatik hasi –Amazing grace, adibidez– eta folka, jazza, soula eta R&B uztartzen dituzten gospel garaikidearen ereserkietaraino joanda, adin guztietarako kalitatezko ikuskizuna eskaintzeko. Hala adierazi dute abesbatzako zuzendaritzako kideek: "Esperientzia musikal bikaina aurkezten ahalegintzen gara, gure ezaugarriak izanik pasioa, gozamena eta konbikzioa. Kantatzen dugun horretan sinisten dugu, eta itxaropen mezuak entzuleengan eragitea da gure helburua. Hortik bira honen izena: Sinetsi. Distira egin. Faith’n Victory Anthem".
Galiziako Sada herrian abestetik etorriko da taldea eta ondoren Teruelera, Zaragozara, Errenteriara, Gasteizera eta Iruñera joango da. Arrasaten geldialdia egingo dute, bederatzigarrenez, hain zuzen ere. Biteri plazan izango da 19:30ean eta da sarrerarik ordaindu beharrik izango. Gainera, zuzenean emango dute kontzertua taldearen webgune ofizialean: asociaciongospel.com.