Herriko adierazpen libreko guneak berritu ditu Aretxabaletako Udalak. Oraingoz, hiru panel berri jarri dituzte: Lausitan, San Migel auzoan eta Mitarte kalean. Etorkizunera begira, laugarren gune bat Portasolen jartzea ere aurreikusten dute.
Asmoa kartelak, oharrak eta eskelak modu antolatuagoan jartzea da, herritarrek informazioa errazago irakur dezaten, eta guneak txukunago egon daitezen. Udalak herritarrei eskatu die panelak errespetuz erabiltzeko, informazio guztia behar bezala ikus dadin.
