Auzoa bizirik mantendu leloari jarraituz, gaur, egubakoitza, botako duten txupinazoan auzoko merkatariei egingo diete eskertzea, Portasoli egindako ekarpena nabarmentzeko.
Aurrez funtzionatu duen errezetari jarraikortasuna eman dioten arren, bada nobedaderik ere: egubakoitz gauean, Lekittoko Deabruen ikuskizun piroteknikoa izango da, eta zapatuan, berriz, 80ko hamarkadako musika emanaldiaz gozatzeko aukera, Mikel Nighten eskutik, Atseden pareko plazan. Jaikiren eskutik argi-itzal festak ez du hustik egingo; ezta 200 pertsona bilduko dituen bazkariak ere. Azkenik, Jai Batzordeak festak errespetuz eta askatasun osoz bizitzeko dei egin die herritarrei.
Egubakoitz gaueko autobus zerbitzua, indartuta
Egubakoitz gau eta zapatu goiz arteko zerbitzua indartu egingo du Lurraldebusek, jaietara "modu jasangarri eta seguruan" joateko. Zerbitzu bereziak Arrasate, Aretxabaleta eta Eskoriatza lotuko ditu gauean zehar.