Udalak erosi berri duen lursail batean garatuko da proiektua, eta horren diseinuan herritarren parte-hartzea funtsezkotzat jo du Udalak; horregatik, lehen bilera horretan beste herri batzuetako ortu komunitarioen esperientziak ezagutaraziko dituzte, eta, aldi berean, herritarren ekarpenak eta parte hartzeko interesa jasoko dituzte. Saioan bildutako proposamenak kontuan hartuko dituzte proiektuaren diseinua zehazten hasteko. Besteak beste, zenbat ortu-partzela egingo diren, kudeaketa-eredua zein izango den eta etorkizunean zer beste elementu txertatu ahal izango diren aztertuko dute herritarrekin.
Ortu komunitarioen proiektua martxan jartzeko lehen urratsa egingo da datorren eguenean, uztailaren 16an. Horretarako, bilera irekia antolatu du udalak 17:00etarako, Karmele Igartua aretoan, herritarren iritzi eta proposamenak jasotzeko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak