82 kilometroko ibilbidea egin zuten Zestoako lasterketan txirrindulariek eta Larrañaga izan zen helmugaratzen lehenengoa, esprintean, 2:07:44 denbora eginda. Haren atzetik sartu ziren Aiur Ugartemendia eta Axular Aldazabal, denbora hori bera eginda. Besa-Geminis, gainera, taldekako sailkapenean lehenengoa izan zen.
Elgoibarko Lagun Taldea elkarteko kide da Aretxabaletako gaztea –aurretik Bolintxo Okindegia-Lana E. Koop. taldeko ziklista– eta denboraldiko bigarren garaipena izan da harentzat. Aurreko astean, gainera, Sabiñanigoko lasterketan hartu zuen parte Euskal Selekzioarekin.
Asteburu honetan, Larrañaga eta taldeko beste bost kide, Bizkaia Itzulian izango dira.