Horregatik, 2023tik indarrean dagoen Animalien Babeserako Legeak dioena gogorarazi gura izan dute; hau da, guztiz debekatuta daudela halako ekintzak, kantuak zein txakurrak izan. Gaineratu dute legeak arau-hauste larritzat zehaztuta duela animaliak akabatzea, eta isunak handiak dira. Konponbidea zein izan daitekeen ere proposatu dute: "Katakumeak ez ugaritzeko emeak esterilizatu egin behar dira eta arrak zikiratu".
Bi urte lanean
Kaleko katuak babesteko eta haien familiak kontrolatzeko helburuarekin 2024an sortu zuten Babestuz elkartea herriko hainbat lagunek, aurretik egon zenari lekukoa hartuta –2023an desagertu zen–.
Katuak neurririk gabe ez ugaritzeko esterilizatzera eramaten dituzte, eta katakumeak adopzioan eman ere bai. Pozik daude, Udalaren babesa izan dutelako hasieratik, eta gaur egun lokala ere badute, Murubide plazan.