Kiki eta Koko pailazoen emanaldiak abiatu du kaleko kultur emanaldien sasoia

Mirari Altube Arrese 2026ko ekainaren 4a

Kiki eta Koko pailazo ezagunek Tururututu pailazo bihurtu ikuskizuna egin zuten atzo arratsaldean, Larrino auzoan. Eta ume zein guraso talde polita elkartu zen haien bueltan, giro ederrean. 7x7 Kultura kalean ekimenaren aurtengo lehen ekitaldia izan zen.

Kultura ekitaldiak herriko txoko ezberdinetara eroatea da ekimen horren helburua eta herritarrak gustura joan ziren Larrino auzora.

Gainerakoak, herrian bertan izango dira baina hainbat txokotan; guztiak 19:00etan. Hona hemen horiek:

  • • Ekainak 5, egubakoitza
    Antzerkia: Alonso, ezinezko mandatuen mezularia (Hortzmuga). Herriko Plazan.
  • • Ekainak 10, eguaztena
    Antzerkia: Boli kalean (Pantzart). Gipuzkoa plazan.
  • • Ekainak 17, eguaztena
    Kontzertua: Jon Basaguren. Mitarte kalean.
  • • Ekainak 19, egubakoitza
    Musika eta dantza ikuskizuna: Euskorleans eta Kukai. Herriko Plazan hasita kalerik kale.
  • • Ekainak 26, egubakoitza
    Antzerkia: Marietak (Zirika Zirkus). Santakurtz plazatxoa.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak