Moda eta artisautza ardatz hartuta, sorkuntza, hausnarketa eta tokiko praktiken inguruko topagune bat sortzea da ikasleen helburu. Hor elkartuko dituzte herriko hainbat eragile; batetik merkatari batzuk: Almila Shop, Begiondo optika, Belar Meta, Gemes estetika, Hegoa, Kilima, Lie, Mimatu, Tak eta Xamur. Bestetik, Katalin Antxia Abasolo (Athora Mantara) diseinatzaile eta sortzailea ere han izango da. Eta hirugarrenik, Jaiki elkartea.
Katalin Antxiak bertaratzera gonbidatu ditu herritarrak: "Ikustera ohituta ez gauden horietako kultura ekitaldi bat izango da. Konfiantza ematea dagokigu hori prestatzen jardundako ikasleei. Eta merezi izango du".