Udalaren asmoa zen ekainean zabaltzea baina egunotako tenperatura altuak direla eta aurreratzea erabaki du. Egunero egongo da irekita 10:00etatik 22:00etara bitartean –bihar arratsaldetik aurrera– eta txorrotek pultsadore sistema izango dute martxan jartzeko.
Irekiera partziala izango dela oraingoz eman dute jakitera Udaletik: "Ur parkea inguratzen duen eremuko belarra oraindik hazten ari da, eta guztiz prest dagoenean zabalduko da gune osoa".
Txakurrak sartzea debekatuta
Segurtasuna eta garbitasuna bermatzea dela helburua gaineratu dute, erabiltzaileak lurrean etzan ahal izateko eta "baldintza higieniko egokiak" mantentzeko. Horregatik, debekatuta egongo da parkean txakurrak sartzea.
