Ezinbestean bete beharko dituzte honako hiru baldintza hauek: 18 urte beteak izatea lan-kontratua egiterakoan; erdi mailako heziketa zikloak edo batxilergoa amaituta izatea; eta euskara ahaldundua izatea.
Titulazioari dagokionez puntuak honela banatuko dituzte: aisialdi begirale titulua, 5 puntu; gizarte hezkuntza, psikologia, pedagogia, magisteritza, Tafyd eta IVEF, gizarte eta kultur animazioa, edo gizarte integrazioa 3 puntu (ikasketak amaituta izanez gero) eta 2 puntu (ikasten badihardute); lehen sorospen titulua, puntu bat; eta euskarazko C1 titulua izatea puntu bat.
Lan esperientzia ere hartuko dute kontuan: udaleku irekietan urte bakoitzeko, 3 puntu; udaleku itxietan urte bakoitzeko, 2 puntu; Gabonetako parkean begirale aritu izatea, puntu bat; eta urtean zehar aisialdirako zerbitzuetako langileak (multikirolak, entrenatzaileak, dantza, ludoteka, hizkuntza errefortzuak...) puntu eta erdi. Puntuagarria den guztia egiaztatu egin beharko dute curriculumarekin batera.
Horrez gain adierazi dute aretxabaletarrek lehentasuna edukiko dutela.