Agirretxek atletismoa eta txirrindularitza uztartzen ditu, eta hirutan lortu du podiumera igotzea.
Lehenengoa, krosean izan zen; txapelketa, martxoaren 1ean jokatu zuten Arrasateko Atxabalpen eta Euskadiko Infantil mailan bigarren postua eskuratu zuen. Bigarren domina, joan den zapatuan, jaso zuen; Irungo Plaiaundi atletismo pistan jokatutako Euskadiko txapelketan, 1.000 metroko proban hain zuzen ere.
Eta hirugarrena, domekan, txirrindularitzan, lortu zuen. Amurrioko Refor poligonoan lehiatu zen Euskadiko Infantil mailako Errepideko Txirrindularitza txapelketan Dorletako Ama taldearekin.
"Polibalentzia eta maila altua" ez direla bateraezinak adierazi dute antolatzaileek eta "eskualdeko kirolaren etorkizuneko izenetako bat" dela argi utzi du Agirretxek.