Garaipen horri esker Euskadiko Eskolarteko Jokoetarako sailkatu da Bartolome; datorren domekan, maiatzaren 31n, jokatuko da txapelketa, Pasaian: "Iaz lortutako urrezko domina berriro eskuratzen saiatuko da Maitane".
Horrez gain, Gipuzkoako Federazioaren Udaberriko Jaialdian ere hartuko du parte; ekainaren 7an izango da, Azkoitian. Denboraldiari amaiera emango dio ekainaren 13an, Iruñean antolatutako Donibane Trofeoa jokatuta; klubeko beste hainbat lehiakide ere izango dira han.
"Denboraldi amaiera bizia Maitanerentzat; izan ere, kirol arloan bilakaera nabarmena erakusten ari da", adierazi dute UDAtik.