Txakolin Egunari harrera beroa egin izan diote herritarrek hainbat txakolin-mota probatzeko aukera izan ohi dutelako sei euroan –bost trago eta kopa bat izango dituzte prezio horretan–.
Txakolina bakarrik ez, herriko ekoizleen produktuak dastatzeko eta erosteko aukera ere egongo da; besteak beste, hanburgesak eta pintxoak jan ahal izango dute bertaratuek. Horrez guztiaz gain, musika eta jai-girorik ere ez da faltako zapatuan; izan ere, Aretxabaletako zein Lazkaoko erraldoien konpartsek eta Imanol Intxausti eta Iñaki Larrea trikitilariek girotuko dute eguna.