Herriko korrikalari Joseba Larrinaga Mardo gogoan izaten duen lasterketa kuttuna da aretxabaletarrentzat, eta oraingoan ere lasterkariz bete gura dituzte Urkulu urtegi inguruak UDAk eta Udalak. Izena emateko zabalik dago herrikrosa.eus atarian, 8 euro ordainduta. Egunean ere eman ahal izango da, zelaian bertan, baina 15 euro ordaindu beharko da orduan.
Helduek, 11:00etan hasita, urtegiari bira emango diote eta Otala Zelain bukatuko dute –8.410 metro–. Haien aurretik, neska-mutikoen lasterketak izango dira. 10:00etan hasita, benjaminek –500 metro–, alebinek –1.000 metro– eta infantilek –1.500 metro– zelaian jardungo dute lasterka, adinka banatuta. Sari-banaketa ekitaldia 12:15ean izango da.